മനസ്സാക്ഷിയോട്‌.....

കോഴിക്കോട്‌ ബീച്ച്‌

ചിരിച്ചു തുപ്പണം ചിരികൾ,
കരഞ്ഞു തള്ളണം കണ്ണീര്‌
പുഞ്ചിരികൊണ്ട്‌ കണ്ണീരൊപ്പി
ഉപ്പുള്ള കൈലേസുകൊണ്ട്‌
ചിരിമുത്തുകൾ തുടച്ച്‌
ലഹരികൾ കൊണ്ടു വിശ്പ്പടക്കി
മരിച്ചു തീർക്കണം ജീവിതം.
നടിച്ചു തുപ്പുന്ന അറപ്പുള്ള ചിരികളും
ഹൃദയത്തിൽ പിറക്കാത്ത
പിഴച്ച കണ്ണീരും
പുളിക്കുന്ന ലഹരിയും
മടുത്താൽ നിർത്തണം
ചിരിയും കണ്ണീരും കവിതയും
ജീവിതം തന്നെയും.