ലജ്ജ

സമർപ്പണം:
മലയാണ്മയിൽ വേരൂന്നി, വിശ്വമാകെ പൂത്തുനിന്ന എന്റെ പ്രിയപ്പെട്ട നീർമാതളമരത്തിന്‌.........................




എത്ര കണ്ണുകൾക്കു നടുവിലേക്കാണ്‌
നഗ്‌നരായി നമ്മെ പെറ്റിട്ടത്‌ !
എത്ര നിഷ്കളങ്കമായാണ്‌
നാമന്ന് ചിരിച്ചത്‌, കരഞ്ഞത്‌....!
എത്ര സത്യസന്ധമായാണ്‌
നാമന്ന് വിസർജിച്ചതുപോലും..............


എത്രയോ കണ്ണുകൾക്കു നടുവിലേക്കാകും
അവസാനമായി നമ്മെ
കൊണ്ടു കിടത്തുക.
പ്രേത പരിശോധന,
പോസ്റ്റുമോർട്ടം,
വിസ്തരിച്ചുള്ള കുളി,
കേടുകളെ സുഗന്ധങ്ങളിൽ മുക്കി
യാത്രയ്കുള്ള ഒരുക്കങ്ങൾ......................
നഗ്‌നരായ്‌
എത്ര നിഷ്കളങ്കമായാണ്‌
നാമിതിനോക്കെ കിടന്നു കൊടുക്കുക...!!!!!


പിന്നെയാരാണ്‌
ഇടയ്കു നമ്മളെ
ലജ്ജയുടെ തുണിക്കെട്ടിൽ
പൊതിഞ്ഞു വച്ചത്‌ ???????