രണ്ട്‌ തുള്ളികൾ

മഴ തോര്‍ന്നു കടലേ......... നീയിനി കളിക്കാന്‍ വാ.............



മഴത്തുള്ളി
ഒന്നുമല്ലെന്ന തോന്നലായിരുന്നു
മഴത്തുള്ളിക്ക്‌
പുല്ലെണ്ണച്ചെടിയുടെ വേരറ്റത്തുനിന്ന്‌
കണ്ണിഴകളിലേക്കാണ്‌ കുട്ടി,
തുള്ളിയുടെ നനവെഴുതിയത്‌
ഉള്ളു കുളിർത്ത്‌ അവൻ പറഞ്ഞു;
"നീ മഴക്കാലമാണ്‌"
അവൾ ചിരിച്ചു.

കണ്ണീർത്തുള്ളി

ചിരിക്കുന്ന മഴത്തുള്ളികൾക്കിടയിലേക്ക്‌
ദുഃഖത്തിന്റെ അണപൊട്ടി
ഒരു കണ്ണീർത്തുള്ളി വീണു
മഴത്തുള്ളി കുശുമ്പു പറഞ്ഞു
ഞാൻ പാവം പുഴത്തുള്ളി,
നീ കടൽത്തുള്ളിയല്ലേ................
കണ്ണീർത്തുള്ളി ചിരിച്ചു.